TravelGoal 偽・豪遊

好多人都心思思想係日本配返副潮嘅眼鏡，但係又驚溝通唔到或者係拎唔切、有問題等等？

其實唔洗慌～真係30-45分鐘有得拎！！而且收費公開簡單，一個框配最基本鏡片平均10,000円起，加靚d薄d鏡片／藍光都係幾千円起 跳，絕對平過香港！

識配一定係帶埋用開既眼鏡，跟足一模一樣度數配～

因為我第一次配就係秋葉原ラジオ会館既owndays(其實係新加坡品牌)，見店內有識講國語嘅店員，諗住重新驗眼，鏡片度數會準確d～而咁啱我嘅度數同散光鏡片冇現貨，要等一日先可以拎，但係第二日就要飛北海道，於是膽粗粗叫店員有貨就宅急便到北海道嘅酒店。點知收到後發現聚焦唔係咁準，但第二日已經要返香港，所以冇辦法拎去整。。。最後唯有係香港再配過鏡片:(

第二次係新宿Lumine EST嘅zoff配就醒目喇～直接叫佢跟足現有眼鏡一模一樣度數去配，結果好成功！而且店員都會簡單既英文～溝通無問題～

登登～我副潮鏡～跟足雜誌model款配～

zoff既眼鏡袋好slim，拉鍊位係亮點～而且眼鏡布都好有設計～

日本眼鏡鋪有好多同明星或者卡通既crossover，太可愛了～

Zoff依家仲有海外配送服務tim~ 詳情